4
Jan

Why This Hatred for கொலைவெறி?

   Posted by: Janahan Balasingham   in Opinions, World Thoughts

இந்த கொலைவெறி பாடல் வந்ததில் இருந்து பல விதமான பாராட்டுகளையும் குறைகளையும் நான் கேட்டு உள்ளேன். இப்போது எனது மனதில் பட்டதை சொல்ல விரும்புகிறேன்.

பல பேர் இந்த பாடலை தமிழை கொச்சைபடுத்தும் பாடல் என்று குறை கூறி இருக்கிறார்கள். ஏன் எனில் அது சுத்த தமிழ் வார்த்தைகள் இல்லாமல் ஆங்கிலமும் தமிழும் கலந்த tanglish என்று கூறப்படும் பேச்சு முறையில் பாடப்பட்டு உள்ளது என்றதால். இப்போது வரும் பல இந்தியப் பாடல்களில் ஆங்கிலம் கலந்தே வருகின்றது. ஆங்கில rap தமிழ் பாட்டுகளில் வருவது சாதாரணம் ஆகி விட்டது. இதுவும் அது போல ஒன்றே.

தமிழில் பல விதமான பேசும் நடைகள் உள்ளன. யாழ்ப்பாண தமிழ் சென்னை தமிழை விட வித்தியாசமாக இருக்கும். இலக்கணப்படி சுத்தமாக யாரும் பேசுவது அரிது. இது தமிழில் மட்டும் அல்ல. எல்லா மொழிகளிலும் நடக்கும் சாதாரணமான ஒன்று. அதற்காக யாழ்ப்பாண தமிழும் சென்னை தமிழும் தமிழை கொச்சைப்படுத்திகிறது என்று சொல்ல முடியுமா? அப்படி என்றால் எல்லா மொழிகளையும் அதை பேசும் மக்கள் கொல்லத்தான் செய்கிறார்கள் ஆங்கிலம் உட்பட.

நாம் கொண்டாடும் தமிழன் A.R.Rahman Oscar வாங்கியது தமிழ் பாட்டுக்கு அல்ல. அதற்கு முன்பு Rahman தமிழ் பாடல்களே பண்ணியது இல்லையா? தமிழ் பாட்டு அல்லாமல் வேற்று மொழி பாடலுக்கு விருது கிடைத்ததால் அந்த Oscar பரிசின் மதிப்பு குறைந்து விடுமா அல்லது Rahmanஇன் சாதனை களங்கப்படுமா?

இன்று இந்த கொலைவெறி பாடல் உலகம் எங்கும் பரவி உள்ளது. தமிழ் என்ற மொழி ஒன்று இருந்ததே தெரியாத மக்கள் எல்லாம் இந்த பாட்டை கேட்டு உள்ளார்கள். அதன் காரணம் இந்த பாடலின் சாதராணமாக புரிய கூடிய வரிகளும் அதன் இசையும்தான். அவர்கள் எல்லோருக்கும் சில வார்த்தைகள் தவிர மீதி பாடல் புரிந்தது. அது அந்த சில வார்த்தைகளின் அர்த்தம் என்ன என்று வினாவ தூண்டியது. திண்டுக்கல் லியோனி ஒரு பட்டிமன்றத்தில் சொன்னார் “2 மணி நேரம் பட்டிமன்றம் நடத்தி 100% அறிவுரை கூறி அதில் ஒன்றும் மக்களுக்கு சேராமல் போவதை விட 90% அவர்களை சிரிக்க வைத்து 10% அவர்களை சிந்திக்க வைத்தால், அதுவே சிறந்தது”. அதே போல இந்த பாடல் பல பேரை தமிழ் என்ற ஒரு மொழிக்கு அறிமுகப்படுத்தியது. அதில் உள்ள சில தமிழ் வார்த்தையின் அர்த்தங்களை அறிந்து கொள்ள தூண்டியது. இதற்கு முன் முழு தமிழில் பல பாடல்கள் வந்து பிரபலம் ஆகியும் அதை ஏன் இவர்கள் கேட்கவில்லை? அப்போது அது அவர்களுக்கு புரியவில்லை. புரிந்து கொள்ளவும் விரும்பவில்லை. இனி அவர்கள் முழு தமிழில் பாடல் கேட்டால் அதன் அர்த்தம் புரிந்து கொள்ள விரும்புவர். இது தமிழுக்கு பெருமையான ஒன்று இல்லையா? எல்லா பக்கமும் இந்த பாடலையும் தமிழையும் பற்றி பேச வைத்தது தப்பா?

இதற்காக நான் தமிழை கீழ்படுத்தவில்லை. நான் தமிழன் என்று சொல்வதில் எனக்கு பெருமை உண்டு. தமிழில் பேசுவதில் எனக்கு எந்த தயக்கமும் இல்லை. தமிழை நாம் வளர்க்க வேண்டும். நமது வருங்காலத்துக்கும் அதை கற்று கொடுக்க வேண்டும். தமிழருக்கு இடையே தமிழில் பேசி பழக வேண்டும். ஆனால் சுத்தமான தமிழில் பேசினால் மட்டும்தான் தமிழ் பற்று உண்டு. அல்லது தமிழன் தமிழில் மட்டுமே பேச வேண்டும். வேறு மொழியில் பேச பழகினாலே அது தமிழுக்கு களங்கம் என்று சொல்வது ரொம்ப தப்பு. இலக்கணம் மறக்காமல் இருந்தாலும் பேசும்போது புரிவதற்கு இலகுவான விதத்தில் பேசுவதில் தவறு இல்லை. அதற்கு சென்னை தமிழோ, மதுரை தமிழோ, யாழ்ப்பாணத் தமிழோ எல்லாம் ஒன்றுதான். அதே போலத்தான் tanglish ஒரு தமிழ் பேச்சு நடை. அதை பேசுவதால் தமிழை கொச்சைப்படுத்தவோ தமிழை மறக்கடிக்கவோ முடியாது.

Tags: ,

This entry was posted on Wednesday, January 4th, 2012 at 2:00 pm and is filed under Opinions, World Thoughts. You can follow any responses to this entry through the RSS 2.0 feed. You can leave a response, or trackback from your own site.

Leave a reply

You must be logged in to post a comment.